గుడిలో గంట‌లు మోగించొద్దంటూ నోటీసులు జారీ చేసిన పొల్యూషన్ బోర్డ్

ఉత్తరప్రదేశ్‌లోని గ్రేటర్ నోయిడాలోని ఒక సొసైటీలోగల ఆలయానికి ఉత్తరప్రదేశ్ కాలుష్య నియంత్రణ మండలి(UPPCB) నుంచి నోటీసు వచ్చింది. గౌర్ సౌందర్య సొసైటీలో గల గుడిలో గంటలు మోగించడం వలన శబ్ద కాలుష్యం ఏర్పడుతున్నదని అక్కడ నివాసం ఉంటున్న ఓ వ్యక్తి కాలుష్య నియంత్రణ మండలికి ఫిర్యాదు చేశారు. శబ్ద కాలుష్యాన్ని తనిఖీ చేసి ఆ గంట నుంచి 70 డెసిబుల్స్ శబ్ధం వస్తున్నదని గుర్తించి UPPCB నోటీసులు పంపింది. దీనిపై కొందరు అసంతృప్తి వ్యక్తం చేయగా నోటీసులు ఉపసంహరించుకుంది.