అదనంగా 2.5 లక్షల వీసా అపాయింట్‌మెంట్‌లకు అవకాశం కల్పించిన అమెరికా

అమెరికా వెళ్లాలని అనుకునే భారతీయులకు అగ్రరాజ్యం గుడ్ న్యూస్ చెప్పింది. పర్యాటకులు, నైపుణ్యం కలిగిన కార్మికులతో పాటు విద్యార్థులకు అదనంగా 2.5 లక్షల వీసా అపాయింట్‌మెంట్‌లకు సోమవారం అవకాశం కల్పించింది. వేలాది మంది భారతీయులకు ఈ కొత్త స్లాట్లు దోహదం చేస్తాయని యూఎస్‌ ఎంబసీ పేర్కొంది. అంతేకాకుండా అమెరికా- భారత్‌ సంబంధాలను మరింత బలోపేతం చేయడంతో పాటు ప్రయాణాన్ని సులభతరం చేస్తుందని తెలిపింది. పది లక్షలకు పైగా వీసాలు జారీ చేశామని వెల్లడించింది.