ముచ్చటగా మూడోసారి

విజయ్‌ దేవరకొండ హీరోగా రాహుల్‌ సంకృత్యాన్‌ దర్శకత్వంలో ఓ పీరియాడిక్‌ యాక్షన్‌ డ్రామా రూపొందనున్న సంగతి తెలిసిందే. 1854-1978 మధ్య కాలంలో జరిగిన యథార్థ చారిత్రక సంఘటనల ఆధారంగా అల్లుకున్న కథతో తెరకెక్కనుంది. ఈ చిత్రంలో విజయ్‌కు జోడీగా రష్మిక కనిపించనున్నట్లు సమాచారం. ఈ విషయమై ఇప్పటికే ఆమెతో చిత్ర బృందం సంప్రదింపులు పూర్తి చేసినట్లు తెలిసింది. త్వరలో దీనిపై అధికారిక ప్రకటన వెలువడనున్నట్లు వార్తలొస్తున్నాయి.