వరదలకు తుంగభద్ర డ్యామ్ గేటు కొట్టుకుపోవడంతో.. వృథాగా పోతున్న లక్ష క్యూసెక్కుల నీరు

కర్ణాటకలోని హోస్పేట వద్ద తుంగభద్ర డ్యామ్ 19వ గేటు వరద ధాటికి కొట్టుకుపోయింది. ఫలితంగా లక్ష క్యూసెక్కులకు పైగా నీరు వృథాగా అయినట్లు అధికారులు తెలిపారు. శనివారం రాత్రి 11 గంటల సమయంలో చైన్‌లింక్ తెగిపోవడంతో ఈ ఘటన జరిగినట్లు అధికారులు చెబుతున్నారు. దీంతో తుంగభద్ర నుంచి మొత్తం 60 టీఎంసీల నీరు వృథాగా పోయే అవకాశం ఉంది. ఈ నేపథ్యంలో నదీ పరివాహక ప్రాంత కర్నూలు ప్రజలు అప్రమత్తంగా ఉండాలని అధికారులు సూచిస్తున్నారు. తుంగభద్రలో వరద తగ్గాక అధికారులు మరమ్మతులు చేపట్టనున్నారు.