సైబర్ మోసం ... రూ.92,000 నగదు మాయం

మహబూబాబాద్ జిల్లా కేంద్రంలోని వీణా కంగనాల్ యజమాని శ్రీనివాస్ ఫోన్ కు గురువారం రాత్రి వరుసగా మెసేజ్ లు వచ్చాయి. వాటిని ఓపెన్ చేసి చూడగా మొదటగా 60 వేలు ఆ తర్వాత 32 వేలు ఆయన బ్యాంక్ అకౌంట్ నుండి ట్రాన్స్ఫర్ అయ్యాయని మెసేజ్ లు వచ్చి ఉన్నాయి. ఈ ఘటనపై శుక్రవారం ఉదయం శ్రీనివాస్ పోలీసులకు ఫిర్యాదు చేశారు. సైబర్ నేరగాళ్లు ఫోన్ హ్యాక్ చేసి ఈ పని చేసి ఉండవచ్చని పోలీసులు అనుమానిస్తున్నారు. ఇంకా ఈ ఘటనపై పూర్తి వివరాలు తెలియాల్సి ఉంది.