నెక్కొండ: అక్రమంగా నిల్వ చేసిన రేషన్ బియ్యం పట్టివేత

వరంగల్ జిల్లా నెక్కొండ మండలం అప్పల్ రావుపేటలోని కనకదుర్గ రైస్ మిల్లుపై బుధవారం టాస్క్ ఫోర్స్ పోలీసులు దాడులు నిర్వహించారు. అక్రమంగా నిల్వ చేసిన రూ. 57 వేల విలువ చేసే 22 క్వింటాళ్ల పీడీయస్ రైస్ తో పాటు 8 ద్విచక్రవాహనాలు సీజ్ చేశారు. మిల్లు యజమాని పై కేసు నమోదు చేసినట్లు నెక్కొండ ఎస్సై మహేందర్ తెలిపారు. దాడుల్లో టాస్క్ ఫోర్స్ సీఐ బాబులాల్ తో పాటు సిబ్బంది పాల్గొన్నారు.