సర్పంచ్ ఆధ్వర్యంలో జాతీయ యువజన దినోత్సవం

వరంగల్ రూరల్ జిల్లా రాయపర్తి మండలం పెరికెడు గ్రామంలో స్వామి వివేకానంద జయంతి ఉత్సవాలను గ్రామ సర్పంచ్ చిన్నాల రాజబాబు ఆధ్వర్యంలో ఘనంగా నిర్వహించారు. సర్పంచ్ స్వామి వివేకానంద చిత్రపటానికి పూలమాలవేసి నివాళులు అర్పించి వివేకానందుడు చూపిన మార్గంలో యువత నడవాలని, వివేకానంద స్వామి జీవితాన్ని ఆదర్శంగా తీసుకోవాలని యువతకు పిలుపునిచ్చారు. ఈ కార్యక్రమంలో గ్రామ కార్యదర్శి రాజు, ఉప సర్పంచ్ మంగిశెట్టి రాజు, ఎంపీటీసీ బండి అనూష రాజబాబు, వార్డు సభ్యులు, యువజన సంఘాల ప్రతినిధులు పాల్గొన్నారు.