పర్వతగిరిలో సైన్స్ ఫేయిర్

వరంగల్ రూరల్ జిల్లా పర్వతగిరి మండలంలోని వివిధ పాఠశాలల్లో జాతీయ సైన్సు దినోత్సవాన్ని ఘనంగా నిర్వహించారు విస్డం ఇంగ్లీష్ మీడియం పాఠశాలలో విద్యార్థులు రకరకాల విజ్ఞాన ప్రదర్శనలు చేశారు. పాఠశాలలో నిర్వహించిన సైన్స్ క్విజ్ లో విజేతలకు పాఠశాల ప్రిన్సిపల్ దేవేందర్ బహుమతులు ప్రధానం చేశారు. ఈ సందర్భంగా ఆయన మాట్లాడుతూ...విద్యార్థులు శాస్త్రీయ దృక్పథాన్ని అలవర్చుకోవాలని, శాస్త్ర సాంకేతిక రంగాల్లో వస్తున్న మార్పులను ఎప్పటికప్పుడు గమనించాలని విద్యార్థులకు సూచించారు. కార్యక్రమంలో పాఠశాల ఉపాధ్యాయులు, విద్యార్థులు పాల్గొన్నారు.