బీర్ల ధరల పెంపుపై కమిటీ ఏర్పాటు చేశాం: మంత్రి జూపల్లి

తెలంగాణకు పూర్తిగా బీర్ల సరఫరా నిలిపివేస్తున్నట్టు యునైటెడ్‌ బ్రూవరీస్‌ లిమిటెడ్‌ (UBL) తీసుకున్న నిర్ణయంపై మంత్రి జూపల్లి కృష్ణారావు స్పందించారు. 'బీర్ల రేట్లు పెంచమని యునైటెడ్ బ్రూవరీస్‌ కోరింది. కంపెనీ అడిగినట్టు రేట్లు పెంచితే, రాష్ట్రంలోని వినియోగదారులపై భారం పడుతుంది. 33% రేట్లు పెంచాలని కంపెనీ కోరుతోంది. ధరల పెంపుపై కమిటీ ఏర్పాటు చేశాం. కమిటీ నివేదిక వచ్చాక నిర్ణయం తీసుకుంటాం' అని స్పష్టం చేశారు.