భార్యను కాపురానికి పంపట్లేదని మామపై యాసిడ్ దాడి

ఏలూరు జిల్లా జంగారెడ్డిగూడెం మండలం లక్కవరంలో దారుణం చోటు చేసుకుంది. మామ నాగేశ్వరరావుపై అల్లుడు యాసిడ్‌తో దాడి చేశాడు. తన భార్యను కాపురానికి పంపకపోవడం వల్లే అల్లుడు ఈ ఘాతకానికి పాల్పడినట్లు సమాచారం. ఆస్పత్రిలో చికిత్స పొందుతూ మామ నాగేశ్వరరావు మృతి చెందాడు. పోలీసులు కేసు నమోదు చేసి దర్యాప్తు చేపట్టారు. పరారీలో ఉన్న నిందితుడి కోసం పోలీసులు గాలిస్తున్నారు.