గల్లంతైన మృతదేహం లభ్యం
కోటవురట్ల మండలం పందూరు వద్ద వరాహ నదిలో ఈనెల 25న గల్లంతైన వ్యక్తి మృతదేహం సోమవారం లభించింది. కొత్త గొట్టివాడకి చెందిన బంగారయ్య అలియాస్ పెద పోతురాజు (55) స్వగ్రామం నుంచి పందూరు వెళుతుండగా నది ఉధృతంగా ప్రవహించడంతో గల్లంతయ్యాడు. ఉదయం పోలవరం నుంచి గజఈతగాళ్లను రప్పించి గాలించగా మృతదేహం లభ్యమైనట్లు వీఆర్వో పి.రమేశ్ తెలిపారు. పోలీసులు కేసు నమోదు చేసినట్లు పేర్కొన్నారు.
