నర్సీపట్నం: గంజాయితో ఇద్దరు యువకులు అరెస్ట్

గంజాయి తరలిస్తున్న ఇద్దరు యువకులను నర్సీపట్నం మండలం గబ్బాడ సమీపంలో అరెస్ట్ చేసినట్లు రూరల్ పోలీస్ స్టేషన్ ఎస్ఐ రాజారావు సోమవారం సాయంత్రం తెలిపారు. వాహనాల తనిఖీ చేస్తుండగా లోకేశ్, దుర్గారావు అనే వ్యక్తులు స్కూటీ మీద వస్తు రెండు కేజీల గంజాయితో పట్టుపడ్డారని పేర్కొన్నారు. వారి వద్ద నుంచి మొబైల్, వాహనం స్వాధీనం చేసుకున్నామన్నారు. నిందితులను అరెస్ట్ చేసి రిమాండ్ కు తరలించామన్నారు.