పాయకరావుపేట: ఈనెల 14 నుంచి గ్రంథాలయ వారోత్సవాలు
ఈనెల 14 నుంచి గ్రంథాలయ వారోత్సవాలను నిర్వహించనున్నట్లు పాయకరావుపేట గ్రంథాలయ అధికారి వి. లక్ష్మణరావు తెలిపారు. గ్రంథాలయ వారోత్సవాలపై కమిటీ సభ్యులతో ఆయన సమావేశం నిర్వహించారు. ఈ సమావేశంలో మాట్లాడుతూ.. వారోత్సవాల్లో భాగంగా వివిధ పాఠశాలల్లో విద్యార్థులకు వ్యాస రచన, వక్తృత్వ, క్విజ్ పోటీలు నిర్వహిస్తామన్నారు. గెలుపొందిన వారికి వారోత్సవాల ముగింపు రోజున బహుమతులు అందజేస్తామన్నారు.
