లారీ బోల్తా ప్రమాదంలో తప్పిన పెను ప్రమాదం

అనకాపల్లి జిల్లా పరవాడ మండలం ప్రధాన జంక్షన్ దగ్గర సోమవారం మధ్యాహ్నం 2గంటల సమయంలో రోడ్డు ప్రమాదం సంభవించింది. కంటైనర్ తో వెళ్తున్న లారీ అదుపుతప్పి బోల్తా పడింది. ఘటనా స్థలంలోనే ఉన్న ఆటోపై కంటైనర్ పడిపోయింది. కంటైనర్ తాకిడికి ఆటో డ్యామేజ్ అయింది. ఆ సమయంలో ఆటోలో ప్రయాణికులు లేకపోవడంతో పెద్ద ప్రమాదమే తప్పింది. ప్రమాద స్థలానికి పరవాడ పోలీసులు చేరుకొని ఘటనపై కేసు నమోదు చేసి దర్యాప్తు చేపట్టారు.