మెడికల్ సీట్ సాధించిన కేజీబీవీ విద్యార్థిని భవ్యశ్రీ

కంబదూరు మండల కేంద్రంలోని కేజీబీవీ పాఠశాలలో చదివిన భవ్యశ్రీ ఇటీవల జరిగిన నీట్ ఫలితాల్లో 578/720 మార్కులు సాధించడం గర్వంగా ఉందని ఆ పాఠశాల ఎస్ఓ రూప అన్నారు. కొత్తపల్లికి చెందిన కురుబ పురుషోత్తం కుమార్తె అయిన భవ్యశ్రీ కుప్పంలోని (పి. ఈ. ఎస్. కె) మెడికల్ కళాశాలలో ఎంబీబీఎస్ సీటు సాధించడంతో విద్యార్థిని తల్లిదండ్రులు గురువారం ఆ పాఠశాల ప్రత్యేక అధికారి రూపను, పాఠశాల సిబ్బందిని ఘనంగా సన్మానించారు.