నారా భువనేశ్వరి పీఏ వాహనం అడ్డుకున్న పోలీసులు

తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు సతీమణి నారా భువనేశ్వరి కాన్వాయ్ లో 5వ వాహనాన్ని బుధవారం పీలేరులో పోలీసులు అడ్డుకున్నారు. "నిజం గెలవాలి" కార్యక్రమంలో భాగంగా జిల్లాలోని రాయచోటి నియోజకవర్గం, గాలివీడుకు వెళుతున్న కాన్వాయ్ లో నాలుగు వాహనాలకే అనుమతి ఉందంటూ పోలీసులు అడ్డుకోవడంతో పరిస్థితి ఉద్రిక్తంగా మారింది. 5వ వాహనానికి కూడా అనుమతి ఉందని వారు ఆధారం చూపడంతో కాస్సేపటి తర్వాత వదలిపెట్టారు.