లోకేష్ ది పాదయాత్ర కాదు శవయాత్ర: డిసిసిబి డైరెక్టర్

నారా లోకేష్ పాదయాత్రపై డిసిసిబి బ్యాంక్ డైరెక్టర్ బాలసుబ్రమణ్యం రెడ్డి హాట్ కామెంట్ చేశారు. శ్రీరంగరాజపురం మండల కేంద్రం వద్ద మంగళవారం విలేఖరుల సమావేశంలో డిసిసిబి బ్యాంక్ డైరెక్టర్ బాలసుబ్రమణ్యం రెడ్డి మాట్లాడుతూ.. మాజీ ముఖ్యమంత్రి చంద్రబాబునాయుడు కుమారుడు నారా లోకేష్ ను ప్రజలు ఎన్నుకొనలేదు. నారా లోకేష్ ది పాదయాత్ర కాదు స్మశాన యాత్ర అని, ప్రజల్ని భయభ్రాంతులకి గురిచేసే యాత్రగా నేను భావిస్తున్నానన్నారు.

పాదయాత్ర చేస్తే ప్రజల సమస్యలను పరిష్కరించాలి అంతేగాని వారి మనుషుల ద్వారా శిలాఫలకాలను ధ్వంసం చేస్తున్నారు. నారా లోకేష్ ది పాదయాత్ర కాదు స్మశాన యాత్ర లోకేష్ ఎవరికోసం ఈ యాత్ర అవినీతి, బినామీ భూ కబ్జా దారుల మేలుకోసిమేనా ఈ యాత్ర అని ప్రశ్నించారు. ప్రజలు ఛీ కొట్టిన నువ్వు మీ తండ్రి మారరా మీరు ఎన్ని ప్రయత్నాలు చేసినా రానున్న ఎన్నికల్లో ప్రజలు మిమ్మల్ని భూస్థాపితం చేస్తారని, జగనన్నను ఆశీర్వదించి అక్కడ మెజారిటీతో గెలిపిస్తారని ధీమా వ్యక్తం చేశారు.