రోడ్లపై పశువులు వదిలితే చర్యలు తప్పవు

కుప్పం మున్సిపాలిటీ పరిధిలో రోడ్లపై విచ్చలవిడిగా పశువులను వదిలిపెడితే చర్యలు తప్పవని మున్సిపల్ కమిషనర్ శ్రీనివాసరావు బుధవారం హెచ్చరించారు. పట్టణంలో డివైడర్లు, కూడళ్ళలో పచ్చదనం పెంపొందించడానికి మొక్కలు నాటితే పశువులు మొక్కలను తినేస్తుండటం, అదేవిధంగా రోడ్లపై పశువులు సంచారంతో వాహనదారులు, ప్రజలు ఇబ్బందులు పడుతుండటంతో కమిషనర్ పశువుల యజమానులకు హెచ్చరికలు జారీ చేశారు.