పంట పొలాలపై ఏనుగుల దాడులు

చిత్తూరు జిల్లా పుంగనూరు నియోజకవర్గం సోమల మండలం నెరుకూరు వారి పల్లి సమీపంలోని పంట పొలాలపై గురువారం తెల్లవారుజామున ఏనుగులు దాడులు చేసి వరి పైరుకు నష్టం కలిగించాయని బాధితులు తెలియజేశారు. ఈ సందర్భంగా వారు మాట్లాడుతూ గంగాధర, కనకరత్నం, వాసు , రాజన్న , హరి, చంద్రప్పకు చెందిన పంటలను, నీటి సరఫరాకు వాడే పైపులను ఏనుగులు తొక్కి ఎందుకు పనికి రాకుండా చేశాయని తెలిపారు.