సదుం: వర్షానికి భారీగా దెబ్బతిన్న వరి పంట
గత నాలుగు రోజులుగా కురుస్తున్న వర్షాలకు పుంగనూరు నియోజకవర్గంలోని సదుం మండలంలో పలుచోట్ల పంటలు దెబ్బతిన్నాయి. తాటిగుంటపాలెం పంచాయతీ పరిధిలో రెడ్డి చెరువు, బొజ్జవాని కుంట కింద 13 మంది రైతులకు చెందిన సాగులో ఉన్న 12 ఎకరాలలో వరి పంట నేల రాలినట్లు బాధితులు ఆవేదన వ్యక్తం చేశారు. అలాగే నూర్పిడి కోసం బండపై కోత కోసి ఉంచిన సుమారు 250 బస్తాల వరి దెబ్బతిందని చెప్పారు.
