చిత్తూరు జిల్లాలో ఏనుగుల బీభత్సం.. ప్రజల్లో భయాందోళన
చిత్తూరు జిల్లా పుంగనూరు నియోజకవర్గం పులిచెర్ల మండలంలోని దేవలంపేట, ఎర్రపాపిరెడ్డిగారిపల్లి తదితర పంచాయతీలో బుధవారం తెల్లవారు జామున పంటలను ధ్వంసం చేసినట్లు స్థానికులు వాపోయారు. మండలంలోని దేవళంపేటకు చేరిన ఏనుగులు వరి, టమోటా మామిడి పంటలను, విద్యుత్ స్తంభాలను ధ్వంసం చేశాయి. దీనితో స్థానికులు భయాందోళనలు వ్యక్తం చేశారు. అటవీ శాఖ అధికారులు ఏనుగులను దారి మళ్ళించాలని ప్రజలు, రైతులు కోరుతున్నారు.
