మల్లన్నకు ప్రత్యేక పూజలు

తంబళ్లపల్లె మల్లయ్య కొండ శ్రీభ్రమరాంబ మల్లికార్జున స్వామి ఆలయానికి సోమవారం భక్తులు పోటెత్తారు. అర్చకులు ఈశ్వరప్ప, మల్లికార్జున ఉదయాన్నే మల్లికార్జున స్వామి, భ్రమరాంబ అమ్మవారిని ప్రత్యేకంగా అలంకరించి పంచామృతాభిషేకాలు చేశారు. భక్తుల పేరిట పూజలు, అభిషేకాలు చేసి తీర్థప్రసాదాలు అందజేశారు. కొండపై భక్తులకు అన్నదానం చేశారు. భక్తులకు ఎలాంటి అసౌకర్యం కలగకుండా ఆలయ ఈఓ రమణ, సిబ్బంది అన్ని ఏర్పాట్లు చేశారు.