తిరుపతిలో హోటళ్లకు బాంబు బెదిరింపులు

తిరుపతినగరంలోని ఏడు హోటళ్లకు శనివారం మరోసారి బాంబు బెదిరింపులు వచ్చాయి. వెంటనే అప్రమత్తమైన పోలీసులు ఆ హోటళ్లను తనిఖీ చేశారు. డాగ్ స్క్వాడ్, బాంబ్ స్క్వాడ్ తో విస్తృత సోదాలు నిర్వహించారు. మెయిల్స్ ఐపీ అడ్రస్ ఆధారంగా పోలీసులు వివరాలు సేకరిస్తున్నారు. దీనిపై అలిపిరి పోలీస్ స్టేషన్ లో కేసు నమోదు చేశారు. కాగా నిన్న కూడా తిరుమలలోని రెండు హోటళ్లకు బాంబు బెదిరింపులు వచ్చిన విషయం తెలిసిందే.