మద్యం విక్రయిస్తున్న వ్యక్తి అరెస్ట్

అక్రమంగా విక్రయిస్తున్న తెలంగాణ మద్యాన్ని ధవళేశ్వరం పోలీసులు సోమవారం స్వాధీనం చేసుకున్నారు. సీఐ జీవీ వినయ్ మోహన్ తెలిపిన వివరాల ప్రకారం స్థానిక రామపాదాల రేవు వద్ద నివాసం ఉంటున్న ఏలూరి సత్యనారాయణ తెలంగాణ మద్యాన్ని అమ్ముతున్నాడన్న సమాచారంతో దాడి చేశామన్నారు. ఈ దాడిలో అతడిని అదుపులోకి తీసుకొని పది సీసాలు, రూ. 900 నగదు స్వాధీనం చేసుకొన్నారు. దీనిపై కేసు నమోదు చేసి దర్యాప్తు చేపట్టినట్లు వివరించారు.