తుని: కోడిపందాలు ఆడుతున్న 9 మంది అరెస్ట్

తుని మండలంలోని తేటగుంటలో ఓ తోటలో ఆదివారం కోడి పందేల శిబిరంపై పోలీసులు దాడి చేశారు. ఈ దాడిలో తొమ్మిది మందిని అరెస్ట్ చేసినట్టు తుని రూరల్ సీఐ చెన్నకేశవరావు తెలిపారు. దసరా పండగను పురస్కరించుకొని తేటగుంటలో కోడిపందేలు నిర్వహిస్తున్నారనే ముందస్తు సమాచారంతో దాడి చేశామన్నారు. కోడి పందేలాడుతున్న తొమ్మిది మందిని అరెస్ట్ చేసి వారి నుంచి రూ. 4200, మూడు కోడి పుంజులను స్వాధీనం చేసుకున్నామని తెలిపారు.