ఆగిరిపల్లి: ఆటోలను వేగంగా నడపకూడదు: ఎస్ఐ

ఆధునిక ప్రపంచంలో ప్రయాణ సాధనాల్లో ఎక్కువగా ఉపయోగించేది ఆటోలేనని ఆగిరిపల్లి ఎస్ఐ శుభ శేఖర్ అన్నారు. మంగళవారం ఆగిరిపల్లి పోలీస్ స్టేషన్ లో ఎస్ఐ, ఆటో డ్రైవర్లను ఉద్దేశించి మాట్లాడారు. వివిధ గ్రామాల నుండి ప్రయాణం చేసే ప్రయాణికులను సురక్షితంగా చేర్చాలని డ్రైవర్లకు సూచించారు. ఆటోలో పరిమితికి మించి ప్రయాణికులను తీసుకెళ్లకూడదని హెచ్చరించారు. ఆటోలు నడిపే సమయంలో వేగం వద్దని హెచ్చరించారు.