సీఎంఏ ఫైనల్ ఫలితాల్లో మొదటి ర్యాంకు సాధించిన రైతు కూతురు

నేడు విడుదలైన సీఎంఏ ఫైనల్ ఫలితాల్లో అన్నమయ్య జిల్లా, తంబల్లపల్లి మండలం, కన్నెమడుగు గ్రామానికి చెందిన తేజస్విని మొదటి ర్యాంకు సాధించింది. ఆల్ ఇండియాలోనే మొదటి ర్యాంక్ సాధించడం పట్ల మాస్టర్ మైండ్స్ విద్యాసంస్థల అడ్మిన్ అడ్వైజర్ మట్టుపల్లి మోహన్ హర్షాన్ని వ్యక్తం చేశారు. తేజస్విని ఇటీవల వచ్చిన సీఏ ఫలితాల్లో ఆల్ ఇండియాలో 14వ ర్యాంకును సాధించింది అని మోహన్ తెలిపారు. కాగా తేజస్విని విద్యాభ్యాసం అంతా జవహర్ నవోదయ విద్యాలయంలో జరుగగా ఎంఈసీ నుండి సీఏ ఫైనల్ వరకు మాస్టర్ మైండ్స్ లోనే చదువుకుందని మోహన్ తెలిపారు. ఈ సందర్భంగా విద్యార్ధినికి మోహన్ అభినందనలు తెలిపారు.