ఏపీని వణికిస్తున్న వరద

ఏపీని భారీ వర్షాలు, వరదలు వణికిస్తున్నాయి. ఎగువ నుంచి గోదావరికి భారీగా వస్తున్న వరద కంటిపై కునుకు లేకుండా చేస్తోంది. బంగాళాఖాతంలో ఏర్పడిన అల్పపీడన ప్రభావంతో.. రాష్ట్రవ్యాప్తంగా ముమ్మరంగా వర్షాలు కురుస్తున్నాయి. ఉమ్మడి తూర్పు, పశ్చిమగోదావరి జిల్లాల్లో గురువారం ఉదయం నుంచి కుండపోత కురుస్తోంది. ఏజెన్సీ ప్రాంత మండలాల్లో వరద ఉద్ధృతి పెరగడంతో రోడ్లు, కల్వర్టులు కొట్టుకుపోయి పలు గ్రామాలకు రాకపోకలు స్తంభించాయి.