మాచర్ల: డాక్టర్ల నిర్లక్ష్యంతో కాన్పు కోసం వచ్చిన గర్భిణి మృతి

మాచర్ల ప్రభుత్వ ఆసుపత్రిలో గురువారం బాలింత మృతిచెందింది. బంధువుల వివరాల మేరకు వెల్దుర్తి మండలం వజ్రాలపాడు తండాకి చెందిన ఈదమ్మ (25) కాన్పు కోసం మాచర్ల ఆసుపత్రికి వచ్చింది. ఈ క్రమంలో వైద్యుల నిర్లక్ష్యం వలనే ఈదమ్మ మరణించిందని బంధువులు ఆందోళన చేపట్టారు. కాగా ఈదమ్మకి రక్తశాతం తక్కువగా ఉండటం వలనే మృతి చెందిందని మాచర్ల ప్రభుత్వ ఆసుపత్రి సూపరింటెండెంట్ ఉదయభాను వివరణ ఇచ్చారు.