ఏపీఎస్పీ 6వ బెటాలియన్లో రక్తదాన శిబిరం

పోలీస్ అమరవీరుల వారోత్సవాల్లో భాగంగా మంగళగిరి ఏపీఎస్పీ 6వ బెటాలియన్ లో శుక్రవారం రక్తదాన శిబిరం నిర్వహించారు. ముఖ్య అతిధిగా పాల్గొన్న ఏపీఎస్పీ ఏడిజి సిహెచ్ శ్రీకాంత్ మాట్లాడుతూ రక్తదానం ఎందుకు చేయాలి, రక్తదానం ఆవశ్యకత గురించి తెలియచేశారు. అనంతరం శ్రీకాంత్ తోపాటు 100 మంది రక్తదానం చేశారు. కార్యక్రమంలో ఏపీఎస్పీ బెటాలియన్స్ డిఐజి రాజకుమారి, బెటాలియన్ అడిషనల్ కమాండెంట్ పాల్గొన్నారు.