పెదకూరపాడులో సీసీ కెమెరాలు పరిశీలించిన డీఎస్పీ

పల్నాడు ఎస్పీ కంచి శ్రీనివాసరావు ఆదేశాల మేరకు పెదకూరపాడులో 23 సీసీ కెమెరాలు ఏర్పాటు చేసినట్లు సత్తెనపల్లి డీఎస్పీ హనుమంతరావు తెలిపారు. ఈ మేరకు ఆయన గురువారం ఏర్పాటు చేసిన కొత్త కెమెరాలను స్టేషన్లో మోనిటర్ ద్వారా పర్యవేక్షించారు. డీస్పీ మాట్లాడుతూ.. నేరాలు జరిగిన సమయంలో సీసీ కెమెరాల ద్వారా నిందితులను పట్టుకునేందుకు సులువుగా ఉంటుందని, వ్యాపారస్థులు కూడా షాపుల ఎదుట సీసీ కెమెరాలు ఏర్పాటు చేసుకోవాలన్నారు.