మోపిదేవి: ఒక్కరోజు సుబ్బారాయుడి ఆదాయం రూ. 8 లక్షలు

ప్రముఖ పుణ్య క్షేత్రంగా విరాజుల్లుతున్న మోపిదేవి శ్రీ సుబ్రహ్మణ్యేశ్వర స్వామి వారికి ఆదివారం ఒక్క రోజుకు గాను వివిధ సేవా టిక్కెట్ల రుసుము ద్వారా రూ. 8, 19, 478ల ఆదాయం వచ్చినట్లు ఆలయ ఈవో శ్రీరామ వరప్రసాదరావు సోమవారం తెలిపారు. సెలవు రోజు కావడంతో దేవాలయం భక్తులతో కిటకిటలాడిందని, భక్తులకు ఎలాంటి అసౌకర్యం కలగకుండా తగిన చర్యలు తీసుకున్నట్లు ఈవో చెప్పారు. నిత్యం అన్నదాన కార్యక్రమం నిర్వహిస్తున్నామన్నారు.