కృష్ణా జిల్లాలో వరదలకు దెబ్బతిన్న 942 గృహాలు

ఇటీవల కురిసిన వర్షాలు, కృష్ణా నదికి సంభవించిన భారీ వరదల వల్ల కృష్ణా జిల్లాలో వందల సంఖ్యలో గృహాలు దెబ్బతిన్నాయి. జిల్లాలో మొత్తం 942 గుడిసెలు, పక్కా గృహాలు దెబ్బతిన్నాయని అధికారులు అంచనాలు తయారు చేశారు. అలాగే 85. 54కిలో మీటర్ల మేర ఆర్ అండ్ బీ రోడ్లు, 308 కిలో మీటర్ల మేర పంచాయతీ రాజ్ రోడ్లు ధ్వంసమయ్యాయి. ఆర్ అండ్ బీ రోడ్లకు రూ. 68.65కోట్లు, పీఆర్ శాఖకు రూ. 141.11కోట్లు నష్టం జరిగినట్టు బుధవారం తెలిపారు.