మైలవరం: రోడ్డు ప్రమాదంలో వ్యక్తి మృతి

మైలవరం మండలం వెల్వడం గ్రామానికి చెందిన టిడిపి నాయకులు పత్తిపాటి కిరణ్ తండ్రి పత్తిపాటి నాగరాజు(50) మంగళవారం ఉదయం జరిగిన రోడ్డు ప్రమాదంలో మృతి చెందారు. పొలం పని నిమిత్తం వారి సతీమణిని పొలం వద్ద దించి వస్తుండగా గ్రామ శివారులో టిప్పర్ ఢీకొని వారిపై నుండి వెళ్లడంతో అక్కడికక్కడే మృతి చెందారు. మైలవరం ఎస్సై సుధాకర్ ఘటన స్థలానికి చేరుకొని మృతదేహాన్ని పోస్టుమార్టంకు తరలించి కేసు నమోదు చేశారు.