బొడ్డు రాయకు పూజలు చేసిన మైలవరం ఎమ్మెల్యే

విజయవాడ రూరల్ మండలం గొల్లపూడి గ్రామ పంచాయతీ శివారు సూరాయపాలెంలో వేంచేసియున్న శ్రీశ్రీశ్రీ గంగానమ్మ అమ్మవారి గుడివద్ద నాభిశిల (బొడ్డురాయి) ప్రతిష్ట మహోత్సవం బుధవారం కనుల పండుగగా జరిగింది. ఈ సందర్భంగా మైలవరం శాసనసభ్యులు వసంత వెంకట కృష్ణప్రసాదు బుధవారం సాయంత్రం శ్రీశ్రీశ్రీ గంగానమ్మ అమ్మవారిని సందర్శించారు. నాభిశిలకు ప్రత్యేకంగా పూజలు చేశారు. ఈ సందర్భంగా భక్తులు ఆయన్ని ఘనంగా స్వాగతించారు.