విజయవాడలో ఘోర రోడ్డు ప్రమాదం

ఎన్టీఆర్ జిల్లాలోని విజయవాడ స్థానిక ఇబ్రహీంపట్నం పోలీసు స్టేషన్ పరిధిలో తుమ్మలపాలెం వద్ద రోడ్డు ప్రమాదం చోటుచేసుకుంది. తుమ్మలపాలెం వద్ద ఆగి ఉన్న లారీని హైదరాబాదు నుండి వస్తున్న కారు శనివారం ఢీకొంది. ఈ ప్రమాదంలో కారులో ప్రయాణిస్తున్న మహిళ అక్కడే మృతి చెందింది. మరో ఇద్దరికి తీవ్ర గాయాలయ్యాయి. సమాచారం తెలుసుకునే ఇబ్రహీంపట్నం పోలీసులు సంఘటనా స్థలానికి చేరుకొని గాయపడిన మరో ఇద్దరిని ఆసుపత్రికి తరలించారు.