25తో తొలిదశ వ్యాక్సినేషన్ గడువు పూర్తి

ఆరోగ్య శాఖలో పనిచేస్తున్న అన్నిరకాల క్యాడర్ లకు ఈనెల 25వ తారీఖుతో కోవిడ్ 19 తొలి వ్యాక్సినేషన్ వేసే గడువు పూర్తవుతుందని జిల్లా ఆరోగ్యశాఖాధికారి రాజ్యలక్ష్మి గురువారం ఓ ప్రకటనలో తెలిపారు. తొలిదశలో అనేకమంది వ్యాక్సినేషన్ వేయించుకునేందుకు పేర్లు నమోదు చేసుకుని టీకా వేయించుకోని వారికి చివరి సారి అవకాశం ఇస్తున్నామన్నారు. రెండో దశకు సంబంధించి పంచాయతీ సిబ్బందికి, రెవెన్యూ, మున్సిపల్ సిబ్బందికి ఇవ్వనున్నట్టు తెలిపారు.