విద్యుత్ అంతరాయంపై పరిశీలించిన టిడిపి నేత ఆషిక్

నెల్లూరు రూరల్ నియోజకవర్గ పరిధిలోని 30వ డివిజన్ న్యూ జర్నలిస్ట్ కాలనీలో విద్యుత్ లైట్లు వెలగకపోవడంతో ఆ ప్రాంతానికి స్థానిక తెలుగుదేశం పార్టీ ఇన్చార్జి ఆశిక్ ఆలీఖాన్ చేరుకున్నారు. స్థానిక విద్యుత్ సిబ్బంది , స్థానికులతో కలిసి విద్యుత్ లైన్లను పరిశీలించారు. శుక్రవారం సాయంత్రం కురిసిన వర్షానికి వైర్లు తెగిపోవడంతో గుర్తించి వాటి మరమ్మతులకు సూచనలు ఇచ్చారు. రేపటి లోగా పనులు పూర్తి చేయాలని కోరారు.