నెల్లూరు: సాగునీటి సంఘాల ఎన్నికలను పక్కాగా నిర్వహించాలి

జిల్లాలో సాగునీటి సంఘాల ఎన్నికలను పక్కాగా నిర్వహించేందుకు అధికారులు సిద్ధం కావాలని నెల్లూరు ఆర్డీవో అనూష అన్నారు. గురువారం నెల్లూరు కలెక్టరేట్‌లోని తిక్కన ప్రాంగణంలో సాగునీటి సంఘాల ఎన్నికల నిర్వహణకు సంబంధించి ఎలక్షన్‌ అధికారులు, అసిస్టెంట్‌ ఎలక్షన్‌ అధికారులకు శిక్షణా కార్యక్రమాన్ని నిర్వహించారు. ఎన్నికల ప్రక్రియకు సంబంధించి సోమశిల ప్రాజెక్టు ఎస్‌ఈ వెంకట రమణారెడ్డి అధికారులకు అవగాహన కల్పించారు.