ఉదయగిరి: ఆర్టీసీ బస్సును ఢీ కొట్టిన కారు

ఉదయగిరి పట్టణంలోని కావలి, నెల్లూరు రోడ్ల కూడలి వద్ద శుక్రవారం ప్రమాదం జరిగింది. కావలి నుంచి వస్తున్న ఆర్టీసీ బస్సును ఎదురుగా వస్తున్న కారు ఢీకొట్టింది. ఈ ఘటనలో కారు ముందుభాగం కొంతమేర దెబ్బతింది. అదృష్టవశాత్తు ఎవరికి ఎటువంటి ప్రమాదం జరగకపోవడంతో అందరూ ఊపిరి పీల్చుకున్నారు. ప్రమాదం వలన ఆర్టీసీ సిబ్బందికి కారులో ప్రయాణించే వ్యక్తులకు మధ్య వాగ్వాదం చోటుచేసుకుంది. కాగా కార్ డ్రైవర్ తప్పు కారణంగానే ప్రమాదం జరిగిందని స్థానికులు తెలిపారు.