సాలూరు: మలేషియా వెళ్లనున్న పైడిరాజు

మలేషియాలో ఈనెల 10 నుంచి 19 వరకు జరగనున్న అంతర్జాతీయ మాస్టర్స్‌ అథ్లెటిక్‌ పోటీల్లో మామిడిపల్లి గ్రామానికి చెందిన క్రీడాకారిణి కనకల పైడిరాజు పాల్గొననున్నారు. ఈ విషయమై ఆమె కోచ్‌ పొట్నూరు శ్రీరాములు బుధవారం వెల్లడించారు. ఆమె ఇటీవల శ్రీలంకలో జరిగిన అంతర్జాతీయ పోటీల్లో పాల్గొని ప్రతిభా చాటారు. ఇటీవల హైదరాబాద్‌ లో జరిగిన జాతీయ స్థాయి అథ్లెటిక్‌ పోటీల్లో సత్తా చాటి స్వర్ణ పతకాలను కైవసం చేసుకున్నారు.