చీమకుర్తి: రహదారి ప్రమాదంలో కానిస్టేబుల్ మృతి

రహదారి ప్రమాదంలో ఓ కానిస్టేబుల్ మృతి చెందాడు. ఈ సంఘటన చీమకుర్తి మండలంలోని చీమలమర్రి గ్రామం వద్ద శనివారం అర్ధరాత్రి సమయంలో చోటు చేసుకున్నది. స్పెషల్ పార్టీ పోలీసు మాబూ సుభాని ద్విచక్ర వాహనంపై మార్కాపురంలో తన డ్యూటీ ముగించుకుని ఒంగోలు వస్తున్న సమయంలో ఎదురుగా వస్తున్న లారీ ద్విచక్ర వాహనాన్ని ఢీకొట్టింది. ఈ ప్రమాదంలో మాబూ సుభాని అక్కడికక్కడే మృతిచెందాడు. పోలీసులు కేసు నమోదు చేసి దర్యాప్తు చేపట్టారు.