మోటుపల్లిలో సినీ తారల సందడి

చినగంజాం మండల పరిధిలోని మోటుపల్లి గ్రామంలో బుధవారం సినీ తారలు సందడి చేశారు. మైత్రి మూవీ మేకర్స్ బ్యానర్ పై మలినేని గోపీచంద్ డైరెక్షన్ లో హిందీ సినిమా షూటింగు ఈ గ్రామంలో జరిగింది. ఈ సినిమాలో హీరోగా బాలీవుడ్ స్టార్ సన్నీ డియోల్ నటిస్తున్నారు. ఆయనతో పాటు ఇతర సినీ తారలను చూసేందుకు స్థానిక ప్రజలు ఆసక్తి చూపారు. చినగంజాం ఎస్సై రమేష్ షూటింగ్ జరుగుతున్న ప్రాంతంలో గట్టి పోలీసు బందోబస్తు ఏర్పాటు చేశారు.