చీమకుర్తి: అండర్ 14, 17 సాఫ్ట్ బాల్ రాష్ట్ర జట్టుకు ఎంపిక

చీమకుర్తి పట్టణంలోని ప్రభుత్వ ఉన్నత పాఠశాలలో విద్యనభ్యసిస్తున్న విద్యార్థులు రాష్ట్ర స్థాయి స్కూల్ గేమ్స్ ఫెడరేషన్ క్రీడలకు ఎంపికైనట్లుగా పాఠశాల ప్రధానోపాధ్యాయులు రామాంజనేయులు గురువారం తెలిపారు. అండర్ 14 విభాగంలో పివిఎల్ నారాయణ, కే. శివ శంకర్ రెడ్డి, అండర్ 17 విభాగంలో భాను ప్రణీత్, చంద్రశేఖర్, సుమిత్ర, గంగాభవానిలు ఎంపికైనట్లుగా గురువారం తెలిపారు. ఈ సందర్భంగా వారిని ప్రధానోపాధ్యాయులు, ఉపాధ్యాయులు అభినందించారు.