త్వరలో టీడీపీ ఆపరేషన్ ఆకర్ష్!

ఏపీలో తాజాగా జరిగిన సార్వత్రిక ఎన్నికల్లో ఘన విజయం సాధించిన కూటమి సర్కార్ పాలనపై పూర్తిగా ఫోకస్ పెడుతోంది. అదే సమయంలో కూటమిలో పార్టీలు రాష్ట్రంలో మరింతగా బలపడేందుకు ప్రయత్నిస్తున్నాయి. ఇందుకోసం తాజాగా కూటమిలోని జనసేన పార్టీ సభ్యత్వ నమోదు డ్రైవ్ ప్రారంభించగా.. ఇప్పుడు టీడీపీ ఆపరేషన్ ఆకర్ష్ కు తెరలేపుతోంది. అధికారం ఎక్కడ ఉంటే అక్కడికి వాలిపోయే నేతలకు రాష్ట్రంలో కొదవలేకపోవడంతో పార్టీలోకి వచ్చే వైసీపీ నేతలకు ఆహ్వానం పలుకుతోంది.