పొదలకూరు: నేత్రపర్వంగా శివపార్వతుల కల్యాణం

పొదలకూరు శివాలయంలో కార్తీక మాసం మూడవ సోమవారాన్ని పురస్కరించుకొని శివపార్వతుల కల్యాణం కన్నుల పండువగా సాగింది. శివాలయం ఏర్పాటు చేసిన ప్రత్యేక మండపంలో పార్వతీ, పరమేశ్వరులను పట్టు వస్త్రాలు, ముత్యాలు, ఆభరణాలు, వివిధ రకాల పూలమాలలతో దివ్యమనోహరంగా అలంకరించి ప్రత్యేకసేవలో తీర్చిదిద్దారు. సకల విఘ్నాధిపతి విఘ్నేశ్వరుడికి తొలిపూజలతో అర్చకులు కల్యాణతంతు ప్రారంభించారు.