ఆముదాలవలస: రైతులు ఆందోళన

ఆముదాలవలస మున్సిపాలిటీ పరిధిలోని పార్వతీశం పేట రైతులు, తమ పంట పొలాలు దోమ పోటుకు గురై నష్టపోయాయని శనివారం ఆందోళన వ్యక్తం చేస్తున్నారు. సరైన సమయంలో వర్షాలు లేక కొంత నష్టం జరిగినప్పటికీ, మిగతాది దోమపోటు కారణంగా పూర్తిగా నష్టపోయామని రైతులు వాపోతున్నారు. పంట మందులు పిచికారి చేసిన ప్రయోజనం లేకపోయిందని వారు తెలిపారు. వ్యవసాయ అధికారులు దీనిపై స్పందించి, రైతులకు న్యాయం చేయాలని కోరుతున్నారు.