లొద్దలపేట పాఠశాలలో సరస్వతీ పూజలు

ఆముదాలవలస మండలం బెలమాం పంచాయతీ లొద్దలపేట గ్రామంలో గల మండల పరిషత్ ప్రాథమిక పాఠశాలలో బుధవారం ఉదయం సరస్వతి పూజ నిర్వహించారు. పాఠశాలలో చదువుతున్న విద్యార్థులు వారి తల్లిదండ్రులు పాఠశాల ఆవరణలో గల శ్రీ సరస్వతి దేవి విగ్రహానికి పూలమాలలు, పసుపు, కుంకుమ తదితర పూజ ద్రవ్యాలతో ప్రత్యేక పూజలు నిర్వహించారు. చదువుల తల్లి సరస్వతి దేవి కటాక్షం విద్యార్థులపై ఉండాలని ఆకాంక్షిస్తూ ఈ పూజలు నిర్వహించినట్లు తెలిపారు.