పసుపు కొమ్ములతో అమ్మవారి అలంకరణ

ఎచ్చెర్ల మండలం కుశాలపురం శ్రీశ్రీశ్రీ దుర్గా మహేశ్వర స్వామి ఆలయంలో.. దుర్గ అమ్మవారికి పసుపు కొమ్ములతో ప్రత్యేక అలంకరణ చేశారు. శ్రావణమాసం చివరి శుక్రవారం పురస్కరించుకొని భక్తులు సమర్పించిన పసుపు కొమ్ములుతో.. అమ్మవారికి సర్వాంగ సుందరంగా ఈ అలంకరణ చేపట్టారు. ఆలయ ధర్మకర్త కంచరాపు రాజారావు ఆధ్వర్యంలో ప్రధాన అర్చకులు కాశీభట్ల మురళీ శర్మ పర్యవేక్షణలో ఈ కార్యక్రమాన్ని నిర్వహించారు. భక్తులు, మహిళలు పెద్ద సంఖ్యలో ఈ కార్యక్రమంలో పాల్గొన్నారు.