వర్షం లేక ఎదుగుదలలేని మొలకలు

సోంపేట మండలంలో ఇటీవల కురిసిన వర్షాలకు రైతులు ఎంతో ఆశతో వరి విత్తనాలు వేశారు. అనంతరం సరైన వర్షం లేక మొలక ఎదుగుదల రాక రైతులు ఆవేదన చెందుతున్నారు. రానున్న 2, 3 రోజుల్లో వర్షం కురవకపోతే ఆకు మడులలోని వరి విత్తనాలు పూర్తిగా దెబ్బతినే అవకాశం ఉందని పైడిగాం ఛానల్ మాజీ అధ్యక్షులు బి. రామారావు బుధవారం తెలిపారు. సకాలంలో నీరు అందకపోతే పూర్తిగా వరి నారుమడులు దెబ్బతినే అవకాశం ఉందని రైతులు వాపోతున్నారు.